കൂടുതൽ കാണാനല്ല -പി.രാമൻ

കൂടുതൽ കാണാനല്ല

ഈ ചില്ല് അല്പം കൂടി കാണുന്നുണ്ടോ?
ഇല്ല വ്യക്തമല്ല.
ഇതോ?
അതോ ഇതാണോ നല്ലത്?
ഇപ്പൊഴോ?
താഴത്തെ വരി വായിക്കൂ.
ഉം
അടുത്തത് പറ്റുന്നില്ലേ?
ഥ..... പിന്നെ?
ഇനി നോക്കൂ
ഇത് ഒ കെ?
എന്നിങ്ങനെ
ഇടംകണ്ണിലും വലം കണ്ണിലും
കണ്ണായ കണ്ണിലൊക്കെയും
മാറി മാറി
ചില്ലുവെച്ചു
ചില്ലുവെച്ച്
ചൊല്ലു വെച്ച്
ഒടുവിൽ
പൊരുത്തപ്പെട്ടിരിക്കുന്നു
ഈ ചൊല്ലിൽ
ഇതേ ചൊല്ലിൽ
ഈ വരിയിൽ
ഈ ചില്ലയിൽ
ഈയുലകിൽ
ഈ നിമിഷം.

കൂടുതൽ കാണാനല്ല.