കറക്കം
മുറികളിലൊന്നും ആരേയും കാണാനില്ല.
എന്നാൽ എല്ലാറ്റിലും ഫാൻ കറങ്ങുന്നുണ്ട്.
ആളില്ലാത്ത മുറികളിൽ
കറങ്ങിക്കൊണ്ടിരിക്കുന്ന ഫാനുകൾ കണ്ടാൽ
എനിക്കു ഭ്രാന്തിളകുമെന്നറിഞ്ഞുകൂടെ?
ഓരോ മുറിയിലെയായി
ഓഫുചെയ്തു വരുമ്പൊഴേക്കും
ആദ്യത്തെ മുറിയിൽ
പിന്നെയും കറങ്ങുന്നു.
അല്ല, ഒരു വട്ടം കറങ്ങിയെത്തുന്ന ഈ നേരത്തിനുള്ളിൽ
ആരോ ഇവിടെ വന്നു പോയിരിക്കുന്നു!
വന്നോട്ടെ പൊയ്ക്കോട്ടെ, പക്ഷേ പോകുന്നവർക്ക്
അതൊന്നു നിറുത്തിപ്പോകരുതോ?
ഇങ്ങനെയിട്ടു വട്ടം കറക്കണോ?
No comments:
Post a Comment