ഒന്നാം ദിവസം - ജെറെയിൻ്റ് ലവ് ഗ്രീൻ (വെൽഷ്, ജനനം: 1955)

ചരിത്രത്തിനൊന്നാം ദിവസം,
എന്റെ കുഴപ്പം കൊണ്ടല്ല,
വെളിച്ചമുണ്ടാക്കീ ദൈവം
വിശ്രമിച്ചൂ പിന്നെ.

ചരിത്രത്തിനൊന്നാം ദിവസം
സൃഷ്ടിച്ചില്ലാ വേറൊന്നും
ഇല്ല മൃഗങ്ങൾ, മരങ്ങൾ, കളകൾ
വെള്ളം, വൈക്കോൽ, നക്ഷത്രം

ശരി ശരി, വെളിച്ചമുണ്ടാക്കീ
ദൈവം, പക്ഷേയതു കാണാൻ
ആളി,ല്ലതിനാലൊരു കുപ്പി -
ക്കുള്ളിൽ വച്ചു ദൈവമത്.

പിന്നെ സ്സോഫയിലമർന്നിരുന്ന്
ആരാധനയോടതു നോക്കി
വെളിച്ചമുണ്ടാക്കും പണി കഠിനം
തളർന്നു പോയീ ദൈവമവൾ.

സൃഷ്ടിക്കാനുണ്ടിനി നാളെ -
പ്പലതു, മതോർത്തൂ ദൈവത്താൾ
ഇന്നു രാത്രിയിലൊന്നിളവേൽക്കാം
തുന്നാനായിയിരിക്കാം.

(കവി, ഗാനരചയിതാവ്, ഗായകൻ എന്നീ നിലകളിൽ പ്രശസ്തനാണ് ജറയിൻ്റ് ലവ് ഗ്രീൻ)