1.
തെരുവ്
നീ നടക്കുന്ന തെരുവിന്
അതിന്റെ ആനന്ദം
മറച്ചു വക്കാനാവുന്നില്ല.
2.
ഋതു
നിന്റെയഭാവത്തിൽ വരാൻ
വസന്തത്തിനെങ്ങനെ കഴിഞ്ഞു,
നാണമില്ലാതായോ
ഇപ്പോൾ ഋതുക്കൾക്കു പോലും!
3
നോട്ടം
നിൻ മരത്തിന്റെ ചോട്ടിൽ ഞാൻ നിന്നു
നിന്റെ ബാൽക്കണിച്ചോട്ടിലായ് നിന്നു.
ഞാനതൊന്നു പിടിച്ചുകുലുക്കി
ആകയാൽ നിൻ പഴയൊരാ നോട്ടം
എന്റെ മേൽ വീണു ധന്യനാകും ഞാൻ
4
തീവണ്ടി
നിന്റെ വീടിന്നരികിലൂടെ
കടന്നുപോകുമ്പോഴെല്ലാം
തീവണ്ടി
പിന്നിലേക്കു തിരിഞ്ഞു നോക്കുന്നു.
നീണ്ട യാത്രയുടെ മുഷിവിലും
അതാണ്
യാത്രികരുടെ ആഹ്ലാദത്തിന്റെ രഹസ്യം
No comments:
Post a Comment