പെൻസിൽച്ചിത്രത്തിന് ഒരു കവിത
ജോൺ മാർഗരിറ്റ് (സ്പെയിൻ, കറ്റാലൻ, 1938-2021)
നല്ലൊരു കടലാസിൽ വരച്ച രേഖാചിത്രമായിരുന്നു അത്.
കാറ്റതു പറത്തിക്കൊണ്ടുപോയി.
ഏറ്റവും മുകളിലെ ജനാലയിൽ നിന്ന്
ഏറ്റവും വിദൂരതയിലേക്ക്,തെരുവുകളിലേക്ക്,
കടലിലേക്ക്.
എനിക്കൊരിക്കലും തിരികെക്കിട്ടാത്ത സമയം.
മഞ്ഞുകാലത്തെ ബീച്ചുകളിൽ തെരഞ്ഞു നടന്നു,
നഷ്ടപ്പെട്ടൊരു രേഖാചിത്രം ദുസ്സഹമായതിനാൽ.
ഓരോ കാറ്റിൻ്റേയും ഗതി പിന്തുടർന്നു.
ഒരു പെൺകുട്ടിയുടെ പെൻസിൽച്ചിത്രമായിരുന്നു അത്.
ദൈവമേ, ഞാനതെത്ര തെരഞ്ഞു നടന്നു!
No comments:
Post a Comment