ജോർജ് ട്രക്കാൾ (ജർമ്മൻ,1887 - 1914)

പ്രകൃതിചിത്രം

ജോർജ് ട്രക്കാൾ (ജർമ്മൻ,1887 - 1914)

സെപ്തംബർ സന്ധ്യ : ഇടയരുടെ ഇരുണ്ട വിളികൾ
ഇരുളുന്ന ഗ്രാമത്തിലെങ്ങുമൊഴുകുന്നു
ഇരുമ്പാലകളിലുലകൾ തീ തുപ്പുന്നു
വന്യമിരയ്ക്കുന്നുണ്ടൊരു കരിങ്കുതിര
അതിൻ തീയാളും മൂക്കിൻതുളക്കാറ്റിൽ
പെൺകുട്ടിയുടെ ഹയസിന്തപ്പൂമുടിച്ചുരുളുകളിളകുന്നു
മാൻകുട്ടിയുടെ കരച്ചിൽ നേർത്തുറയുന്നു കാടിൻ്റെ വക്കിൽ
കുളത്തിൻ നീല മുഖച്ഛായ മേൽ
വാക്കുകളില്ലാതെ കുനിയുന്നു
ശരൽക്കാലമഞ്ഞപ്പൂവുകൾ
ഒരു മരം കത്തിയെരിയുന്നു ചോപ്പുനാളങ്ങളിൽ
ഇരുണ്ട മുഖങ്ങളുമായ് വവ്വാലുകളുയർന്നു പൊന്തുന്നു.