റെയിൽവേ സ്റ്റേഷൻ റോഡിലെ
ആ കടയിൽ നിന്നാണ്
ഈ കമ്മൽ വാങ്ങിച്ചത്.
മൂന്നു കൊല്ലമായി.
നിറം മങ്ങിയിട്ടില്ല.
കാതിൽ നിന്നഴിച്ചുവെച്ച കമ്മൽ
മേശപ്പുറത്തിരിക്കുന്നു.
ഓരോ കുഞ്ഞിക്കാലുകൂടി പിടിപ്പിച്ചാൽ
കുഞ്ഞിപ്പൂരത്തിന്
കുഞ്ഞാനകൾക്കുമേൽ
കുഞ്ഞിക്കുടമാറ്റത്തിനു പിടിക്കാം.
റെയിൽവേ സ്റ്റേഷൻ റോഡിലെ
ആ കടയ്ക്കു മുന്നിൽ തന്നെയാവട്ടെ
കൂട്ടിയെഴുന്നള്ളിപ്പ്.
No comments:
Post a Comment