ഗു ചെങ് (ചൈന, 1956 - 1993)

കവിതകൾ

ഗു ചെങ് (ചൈന, 1956 - 1993)

1

ഒരു തലമുറ

കടുങ്കറുപ്പുരാവെനിക്കു തന്നു രണ്ടാഴക്കരിങ്കണ്ണുകൾ
വെളിച്ചം തിരഞ്ഞു പോകാൻ

2

ഇന്നലെ

ഒരു കരിനാഗം പോലെ
മൂലയിൽ ചുരുണ്ടു കിടക്കുന്നു,
ഇന്നലെ.
ജീവിച്ചപ്പോൾ തണുത്ത്.
മരിച്ചപ്പോൾ കൂടുതൽ തണുത്ത്.
ഒരിക്കലതു മെല്ലെയിഴഞ്ഞു
നിരവധി ഹൃദയങ്ങൾക്കു മേലെ
ഒരു പച്ചച്ച പാട് ബാക്കിവെച്ച്
ചോരപ്പാടുകളേതും മൂടി വെച്ച്

അതു ചത്തു, അവസാനം
പത്രക്കടലാസുമലകൾക്കടിയിൽ
രഹസ്യമായ് മറചെയ്യപ്പെട്ടു
ഇപ്പോൾ
ഉറുമ്പിൻപറ്റം പോലുള്ള അക്ഷരക്കൂട്ടങ്ങൾ
ചർച്ചിച്ചു കൊണ്ടിരിക്കുന്നു,
രണ്ടാം വരവിനു വഴിയൊരുക്കേണ്ടതിനെപ്പറ്റി.