ഇതിലേ ഒരു നദി കടന്നുപോവുന്നു
ഏയ്ഞ്ചൽ ഗോൺസാലസ് (സ്പെയിൻ, 1925 - 2008)ഇതിലേ ഒരു നദി കടന്നുപോവുന്നു
മണലുരച്ചു മിനുസപ്പെടുത്തി
ജലം പ്രകാശിതമാക്കി
കല്ലുകൾ തിളക്കി
ആഹ്ലാദത്തിമിർപ്പാർന്ന ആമ്പലുകളോടു ക്ഷമിച്ച്
ഇതിലേ കടന്നുപോയ് നിൻ്റെ കാൽവെപ്പുകൾ
നീയല്ല നദിയെ പിന്തുടരുന്നത്
നദി നിൻ്റെ പിറകേ ഒഴുകുകയാണ്
സ്വന്തം പ്രതിബിംബം നിന്നിലന്വേഷിച്ച്
നിൻ്റെ പിൻവശത്ത് തന്നെത്തന്നെ നോക്കി
നീ വേഗം പോകുമ്പോൾ നദി തിരക്കുകൂട്ടുന്നു
നീ മെല്ലെ പോകുമ്പോൾ ഒരു കുളമായ് തളംകെട്ടുന്നു
No comments:
Post a Comment