സെൻ്റ് ജോർജ് ദേവാലയം
ജറോസ്ലാവ് സീഫെർട്ട് (ചെക്ക്, 1901 - 1986)
വെളുത്ത സെൻ്റ് ജോർജ് ദേവാലയത്തിനു
തീപ്പിടിച്ചാൽ,
ദൈവം അതു വിലക്കട്ടെ,
തീനാളങ്ങൾക്കുശേഷം അതിൻ്റെ ചുമരുകൾ
റോസ് നിറമാകും
വിശേഷിച്ചും അതിൻ്റെ ഇരട്ട ഗോപുരങ്ങൾ: ആദവും ഹവ്വയും.
ഹവ്വ മെലിഞ്ഞ ഗോപുരം,
സ്ത്രീകൾക്കു സാധാരണമായ മട്ടിൽ
അവരുടെ പെൺമയുടെ ഏറ്റവും തുച്ഛമായ
മഹിമയാണാ മെലിവ് എന്നിരിക്കിലും.
തീച്ചൂട് ചുണ്ണാമ്പുകല്ലിനെ തുടുപ്പിക്കും
ആദ്യചുംബനം
പെൺകിടാങ്ങളെ എന്നപോലെ
No comments:
Post a Comment