തൽസമയം
കാർലിസ് വെർഡിൻസ് (ലാത്വിയ, ജനനം : 1979)
കച്ചേരി കേൾക്കാൻ പോകുന്നവരിൽ
ഗിറ്റാറിന്റെ ആദ്യ മീട്ടലിൽ തന്നെ
പാട്ടു തിരിച്ചറിയുന്നവരുണ്ട്.
അപ്പോളവർ ആർത്തലറും
ആദ്യവരി തുടങ്ങുമ്പൊഴേ
തിരിച്ചറിയുന്ന കാണികളുണ്ട്.
അപ്പോളവർ ആർത്തലറും
പല്ലവി
നാലാം തവണ ആവർത്തിച്ചശേഷം മാത്രം
തിരിച്ചറിയുന്നവരുണ്ട്
അപ്പോളവർ ആർത്തലറും.
ഒരു വസ്തു തിരിച്ചറിയാത്തവരുണ്ട്
ഒന്നും കേൾക്കാതെ കാണാതെ
മൂലയ്ക്കടിയുന്നവർ.
കാവൽക്കാർ അവരെ പിടിച്ചു പുറത്തിടും
അപ്പോളവർ ആർത്തലറും.
No comments:
Post a Comment