ഒരു നീണ്ട തീവണ്ടി
ജോസെബാ സാരിയോനന്തിയ (ബാസ്ക്ക്, ജനനം : 1958)
സൂര്യോദയം, എപ്പോഴുമൊരു നീണ്ട തീവണ്ടി
സ്റ്റേഷൻ വിട്ടു പോകുന്നു.
ജനലിലൂടൊരു പെണ്ണു നോക്കുന്നു
ആരോടുമല്ലാതെ യാത്ര പറയുന്നു.
എപ്പോഴുമൊരു ഹൃദയം
രണ്ടായിക്കീറുന്നു.
ഒരു പാതി തീവണ്ടിയോടൊപ്പം പോകുന്നു
മറുപാതി പ്ലാറ്റ്ഫോമിൽ തങ്ങുന്നു.
മഴ പെയ്യുന്നു ജനലുകൾ നനച്ച്
ബോഗികൾ നനച്ച്, റയിൽപ്പാതകൾ നനച്ച്
എപ്പോഴും തീവണ്ടി നാശം പിടിച്ചത്.
No comments:
Post a Comment