മുൻ തടവുപുള്ളിയുടെ മനസ്സ്
ജോസെബാ സാരിയോനന്തിയ (ബാസ്ക്, ജനനം : 1958)
മുൻ തടവുപുള്ളിയുടെ മനസ്സ്
എപ്പോഴും ജയിലിലേക്കു മടങ്ങുന്നു.
ജഡ്ജിമാരെയും പബ്ലിക് പ്രോസിക്യൂട്ടർമാരെയും
വക്കീൽമാരെയും അയാൾ
തെരുവിലെവിടെ വെച്ചും കാണുന്നു.
അവർക്കയാളെ തിരിച്ചറിയാനായില്ലെങ്കിൽ പോലും
മറ്റാരെക്കാളും കൂടുതൽ സമയം
പോലീസുകാരയാളെ തറച്ചുനോക്കുന്നു.
കാരണം അയാളുടെ നടത്തം
ഏറെ പിരിമുറുക്കത്തോടെയാണ്.
അല്ലെങ്കിൽ വല്ലാത്ത അയവോടെ.
ഒരു കുറ്റാരോപിതനെ
അയാളെന്നും ഹൃദയത്തിൽ ചുമക്കുന്നു.
No comments:
Post a Comment