വേനലിലെ മിന്നൽപ്പിണർ
ലെസ്ബിയ ഹാർഫോഡ് (ഓസ്ട്രേലിയ, 1891-1927)
മിന്നൽച്ചിറകുള്ള കാലടികളാൽ
ധൃതിയിൽക്കടന്നുപോയ് ദൈവദൂത പ്രധാനികൾ
തിരക്കുള്ള രാത്രിയിൽ,
ചൂടുള്ള പകൽ നമ്മുടെ കണ്ണിൽ നിന്നും
മങ്ങി മാഞ്ഞ ശേഷം,
ഇതാ ഇപ്പോൾ.
പൊന്നു മാലാഖമാരേ,
കണ്ണുപൊട്ടിക്കുന്ന സത്യങ്ങൾ കൊണ്ടു തരല്ലേ
സ്വർഗ്ഗീയക്കൊട്ടാര മാളികകളിൽ നിന്നൊരു
സന്ദേശവും തരല്ലേ,
ഞങ്ങൾക്കായ് വിട്ടേച്ചു പോകണേ
ഞങ്ങളുടെ ഇരുണ്ട മരങ്ങളും
നക്ഷത്ര വെളിച്ചമുള്ള ഭൂമിയും..
No comments:
Post a Comment