മറു ജീവിതം
ക്ലോദ് ദ് ബുറൈൻ (ഫ്രാൻസ്, ജനനം : 1931)
മെല്ലെ നീയെന്നെ നയിക്കും. സൗമ്യമായ കാലാവസ്ഥയിൽ മരങ്ങൾ പച്ച വാതിലുകൾ തുറക്കുന്നു. തേനടകളുടെ ഗന്ധം വായുവിൽ വായുവിൽ തങ്ങി നിൽക്കുന്നുണ്ട്. പിന്നെ പൂമ്പാറ്റകൾ. നിന്നെക്കുറിച്ചു ചിന്തിക്കുമ്പോൾ എന്റെ തൊലിയ്ക്കാകെ താഴ് വരയിലെ ലില്ലിപ്പൂക്കളുടെ ഗന്ധം.
കുട്ടിക്കാലത്തിന്റെ മണൽപ്പരപ്പിലൂടെ ഞാൻ നടക്കുന്നു. ചിരിയുടെയൊലികൾ ചുമരുകൾക്കു മേൽ ചെറിയ കണ്ണാടികൾ പോലെ പതിച്ചു.
സൂര്യൻ പുലർച്ചെ കുളിക്കാൻ പോയി. നേർത്ത വിരലുകൾ കൊണ്ട് നിന്റെ കവിളുകൾ തലോടി.
ഇത് ചിപ്പി മുത്തിനെ പുറന്തള്ളുന്ന സമയം.
വെളിച്ചം പിങ്കും വെള്ളയും നിറമുള്ള, പഞ്ചസാര പുരട്ടിയ ബദാം കുരു.
എന്റെ വിരലിന്മേൽ മരതക പ്രഭയുള്ള പകൽ വെളിച്ചം, മുത്തിന്റെ മാതാവ്.
No comments:
Post a Comment