കവിതകൾ
കെമാൽ സുരേയ (തുർക്കി, 1931- 1990)
1
നാം ഒരു പുക വെള്ളത്തിലെറിയുമ്പൊഴെല്ലാം
പ്രഭാതം വരെയതു പൊള്ളിക്കൊണ്ടിരിക്കുന്നു
2
ജീവിതം ഹ്രസ്വം
പക്ഷികൾ പറക്കുന്നു
3
ഉച്ചക്കു പന്ത്രണ്ടുമണി കഴിഞ്ഞാൽ
എല്ലാ പാനീയങ്ങളും വീഞ്ഞ്
4
ഛായാപടം
മൂന്നു പേർ
പുരുഷന് ദുഃഖം
ദുഃഖഗാനങ്ങളെപ്പോലെ ദുഃഖം
സ്ത്രീക്ക് സൗന്ദര്യം
സുന്ദരമായ ഓർമ്മകൾപോലെ സൗന്ദര്യം
സുന്ദരമായ ഓർമ്മകൾ പോലെ ദുഃഖം,
ദുഃഖഗാനങ്ങളെപ്പോലെ സൗന്ദര്യം,
കുട്ടിക്ക്.
No comments:
Post a Comment