തോട്ടക്കാരിക്കു പിറന്നാൾ ആശംസിക്കുന്ന ഒരു ചെടി (സുജിതക്ക്) - (കവിത)

തോട്ടക്കാരിക്കു പിറന്നാൾ ആശംസിക്കുന്ന

ഒരു ചെടി.

(സുജിതക്ക്)

****

ഇന്ന് തോട്ടക്കാരിയുടെ പിറന്നാളാണ്.

അതിരാവിലെത്തന്നെ

തോട്ടക്കാരിക്കു പിറന്നാൾപ്പൂക്കൾ 

നൽകി നിൽക്കുന്നു,

ഓരോ ചെടിയും

നദികൾ ഒഴുകാൻ തുടങ്ങിയ

ദിവസമാണ് ഇന്ന്.

കാരണം, ഇന്നാണ് നീ

സംസാരം തുടങ്ങിയത്.

പ്രിയപ്പെട്ട തോട്ടക്കാരീ,

പെറ്റുവീണയന്നേ

നീ സംസാരിക്കാൻ തുടങ്ങിയിരിക്കുമല്ലോ

നിശ്ചയമായും.

നദിയുടെ സംസാരം തന്നെ

അതിൻ്റെ ജലം.

ആ സംസാരം കേട്ടുകേട്ട്

തീരം പച്ചയ്ക്കുന്നു.

നദി എന്നോടാണ് സംസാരിക്കുന്നതതെന്ന്

ഓരോ ദേശത്ത തീരവും കരുതുന്നു.

സംസാരം കൊണ്ടു

മനുഷ്യരെ നനച്ചു വളർത്തുന്ന

പ്രിയപ്പെട്ട തോട്ടക്കാരീ,

ഞാൻ പൂത്തിരിക്കുന്നു,

കാണുന്നില്ലേ.

കുത്തു,സുധീഷ്, റോയ് മാഷ്,

പ്രതിഭ, രജനി, സരിത,ശബരി, സുൾഫി, ശൈലജട്ടീച്ചർ എല്ലാവരും

പൂത്തിരിക്കുന്നു.

ഈ പൂവൊന്നും

സന്ധ്യക്കു വാടുന്നുമില്ല

ഇതൾ കൊഴിയുന്നുമില്ല.

അതു നോക്കി

തോട്ടത്തിലൂടെ നീയുലാത്തുന്നു.

നീ സംസാരം തുടങ്ങിയ,

അതുകൊണ്ടു മാത്രം നദികൾ 

ഒഴുകാൻ തുടങ്ങിയ

ആ ദിവസത്തിൻ്റെ ഓർമ്മയിലാണ്

ഇന്ന് തീരങ്ങളെല്ലാം.

ഞാൻ, കുത്തു, സുധീഷ്, റോയ് മാഷ്,പ്രതിഭ...