ഉദാഹരണത്തിന് അവളുടെ ....
ഷാർലറ്റ് വേൻ ജെൻ ബ്രോക്ക് (ഡച്ച്, നെതർലാൻ്റ്സ്, ജനനം: 1991)
ഒരു സ്ത്രീ നായയെ മടിയിൽ വക്കുന്നു
കഴുത്തിനു പിടിച്ച് ഒരു ഹാൻബാഗുപോലെ
ഒരു സ്ത്രീ ഉണക്കിറച്ചിക്കൊത്തിൻ്റെ പാക്കറ്റെടുക്കുന്നു
അവളുടെ ഹാൻബാഗിൽ നിന്നും
ഒരു സ്ത്രീ ജോലിക്കായുള്ള അഭിമുഖത്തിനിടെ
ഹാൻബാഗിൽ തിരുപ്പിടിച്ചുകളിക്കുന്നു
ഒരു ലൈംഗികഭാവനയിലെന്ന പോലെ
ഒരു സ്ത്രീ തന്നെത്തന്നെ തിരുകി വക്കുന്നു
മറ്റൊരു സ്ത്രീയുടെ ഹാൻബാഗിൽ
ഒരു സ്ത്രീ തൻ്റെ ഹാൻബാഗു നഷ്ടപ്പെടുത്തുന്നു
എന്നിട്ടൊരു മൊറോക്കോക്കാരനെ കുറ്റപ്പെടുത്തുന്നു.
ഒരു സ്ത്രീ സിഗരറ്റ്കുറ്റികൾ ശേഖരിക്കുന്നത് ഇപ്പോൾ
ഒരു ഹാൻബാഗിൽ കൊള്ളുന്നത്രയായിരിക്കുന്നു
ഒരു സ്ത്രീ ഒരുപാടു ഹാൻബാഗുകൾ ശേഖരിക്കുകയാൽ
ഒരു മാഗസിൻ അവളെക്കുറിച്ചൊരു പതിപ്പിറക്കുന്നു.
No comments:
Post a Comment