കവിതകൾ
മരിയാനാ മരിൻ (റുമാനിയ, 1956- 2003)1
എം.എമ്മിന്
എൻ്റെ ഇടതു കൈപ്പടത്തിലെ രേഖകൾ
വലതു കൈപ്പടത്തിലെ രേഖകളുടെ
കണ്ണാടിപ്രതിബിംബം
ഒരു കൈനോട്ടക്കാരൻ
അതെങ്ങനെ വായിക്കുമെന്നെനിക്കറിയില്ല
പ്രാർത്ഥിച്ചു കൊണ്ടാണവ
ഭൂമിയിൽ വന്നത് എന്നപോലെ
2
വിധി
അവർ പ്രണയത്തിലായിരുന്നു
പിൽക്കാലത്ത് രേഖപ്പെടുത്തപ്പെട്ടപോലെ
വല്ലപ്പോഴുമൊരിക്കൽ മാത്രം
പരസ്പരം കണ്ടതുകൊണ്ടല്ല
ഒരേ ഭയവും ഒരേ ക്രൂരതയുമായിരുന്നു
ഒരേ ഭയവും ഒരേ ക്രൂരതയുമായിരുന്നു
അവർക്ക് എന്നതിനാൽ
അവർ പ്രണയിച്ചു.
നഗരത്തിൻ്റെ പ്രാചീന ഇടങ്ങളിലൂടെ
വലിഞ്ഞു നടന്നു
ഒരാൾ മറ്റേയാളുടെ ഭാവി പരിശീലിച്ചു.
No comments:
Post a Comment