അച്ഛൻ

 അച്ഛൻ

പോയാൽപ്പിന്നെക്കാണാത്ത മകനെ

കാത്തിരിക്കുന്നു.

അവൻ കിടക്കുന്ന തിണ്ണ കണ്ട്.

അവൻ കൊള്ളുന്ന തണുപ്പടിച്ച്.

പോയാൽപ്പിന്നെ -

ക്കാണാനേ കിട്ടാത്ത മക്കൾ

അവരുടെ സമയത്തു തിരിച്ചെത്തട്ടെ

മൂടിപ്പുതച്ചു കിടന്നുറങ്ങട്ടെ.

മകനേ,

നിന്നെക്കാണാതെ ഭയന്നല്ല

ഞാനുണർന്നിരുന്നത്

അസമയത്തു നീ വന്നു

വാതിലിൽ മുട്ടിയാൽ

കേൾക്കാതെ പോകരുത്,

അതിനാണ്.

കാരണം,

നീ കിടക്കുന്ന തിണ്ണ ഞാൻ കണ്ടു

നീ കൊള്ളുന്ന തണുപ്പു ഞാനടിച്ചു.