ഇശൈ

കിറ്റ് - കാറ്റ്

ഇശൈ

അച്ഛൻ സ്വാമിയുടടുത്തേക്കു പോയതായി

അവളും വിശ്വസിച്ചു തുടങ്ങി.

ദിവസവും ഞാനവളെ കാണാറുണ്ട്.

ഇതുവരെ ഒന്നും മിണ്ടിയിട്ടില്ല.

അച്ഛൻമാരെ സ്വാമിക്കു കൊടുത്ത കുഞ്ഞുങ്ങളോട്

സഹതാപം കാട്ടുന്നത് സ്വാഭാവികമോ?

ഉള്ളതിൽ വലിയ കിറ്റ് - കാറ്റ് നോക്കി വാങ്ങി

ഞാനിന്നു പോയി.

"അച്ഛനു പകരം കിറ്റ് - കാറ്റ് നീട്ടുന്ന ഇവനെ

എന്തു ചെയ്യണം?"

നരകത്തിൻ വാതുക്കൽ ആരോ ചീറുന്നതു കേട്ട്

ഞെട്ടിയെണീറ്റു ഞാൻ പാതിരാവിൽ