ജ്ഞാനം
റോജർ വോൾഫ്
(സ്പെയിൻ, സ്പാനിഷ്, ജനനം 1962)
പുലർച്ചെ രണ്ടു മണിക്കൊരു പെണ്ണ്
സൈക്കിളിലേറിപ്പോകുമ്പോൾ
സുന്ദരമായ ഇരുണ്ട കാലുകൾ
പെഡലുകൾ ആഞ്ഞുചവിട്ടുമ്പോൾ
ചലിച്ചിടുന്നൊരു പെണ്ണിൻ മാംസ-
ക്കൊഴുപ്പൊരത്ഭുതമെന്നോണം
വെളിപ്പെടുത്താനായിച്ചെറുകാ -
റ്റവളുടെ വസ്ത്രമുയർത്തുന്നു.
ഞങ്ങടെ കണ്ണുകൾ തമ്മിലിണങ്ങീ
ഞൊടിയിട, പിന്നവൾ പോവുകയായ്
ഏതൊന്നിനെയും കുറിച്ചു നിങ്ങൾ -
ക്കെത്ര കുറച്ചേയറിവുള്ളൂ
എന്നതു നിങ്ങളെ ബോധിപ്പിക്കാ -
നിങ്ങനെയിതുപോൽ ചിലതുണ്ടേ
No comments:
Post a Comment