മൂന്നു കവിതകൾ - വേരാ പാവ്‌ലോവ (റഷ്യ)

മൂന്നു കവിതകൾ

വേരാ പാവ്‌ലോവ (റഷ്യ)

1

അതു നല്ലത്
എന്നു ദൈവം കണ്ടു
അതു മികച്ചത്
എന്ന് ആദം കണ്ടു
അതു സഹിക്കാവുന്നത്
എന് ഹവ്വ കണ്ടു.

2

തണുപ്പുകാലത്തൊരു മൃഗം
വസന്തകാലത്തൊരു ചെടി
വേനൽക്കാലത്തൊരു കീടം
ശരൽക്കാലത്തൊരു പക്ഷി
മറ്റെപ്പോഴും ഞാനൊരു പെണ്ണ്

3

- ഉത്തമഗീതം എനിക്കു പാടിത്തരൂ
- വാക്കുകളറിയില്ല
- എങ്കിൽ അതിൻ്റെ സ്വരങ്ങൾ
- സ്വരങ്ങൾ അറിയില്ല
- എന്നാൽ വെറുതെ മൂളൂ
- ഈണം മറന്നുപോയി
- എങ്കിൽ എൻ്റെ ചെവി
നിൻ്റെ ചെവിയോടു ചേർത്തു വെക്കൂ
എന്നിട്ടെന്താണോ കേൾക്കുന്നത്
അതു പാടൂ.