മലകയറ്റം
സുകുമാരൻ
മല കയറിക്കൊണ്ടിരുന്നു
ഞാനും കൊച്ചുപയ്യനും
ഞാൻ നിന്ന പടിയുടെ
തൊട്ടു താഴത്തെപ്പടിയിലാണ്
അവൻ നിന്നിരുന്നത്.
കൈ പിടിച്ച്,
"നോക്കി മെല്ലെ ശ്രദ്ധിച്ച് "
എന്നു കയറ്റിക്കൊണ്ടിരുന്നു ഞാൻ.
മലയിറങ്ങിക്കൊണ്ടിരിക്കുന്നു
കൊച്ചുപയ്യനും ഞാനും.
അവൻ നിൽക്കുന്ന പടിക്കു
തൊട്ടു മേലേപ്പടിയിലാണു ഞാൻ നിൽക്കുന്നത്.
കൈ ചേർത്തു പിടിച്ച്,
"നോക്കി മെല്ലെ ശ്രദ്ധിച്ച് "
എന്നു
താഴേക്കിറക്കിക്കൊണ്ടിരിക്കുന്നു അവൻ
അതേ മല
അതേ പടിക്കെട്ടുകൾ
അതേ വാക്കുകൾ
എന്നാൽ .......
No comments:
Post a Comment