ഏപ്രിൽത്തീവണ്ടി
കഴിഞ്ഞ ഏപ്രിൽ വേനൽ ഈ ഏപ്രിൽ മഴ
കഴിഞ്ഞ ഏപ്രിൽ തടവ് ഈ ഏപ്രിൽ സ്വാതന്ത്ര്യം
കഴിഞ്ഞ ഏപ്രിൽ പുക ഈ ഏപ്രിൽ തെളിമ
കഴിഞ്ഞ ഏപ്രിൽ പൂക്കളുതിർന്ന കൊന്നകൾ
ഈ ഏപ്രിൽ പൂക്കും മുമ്പുള്ള കൊന്നകൾ
ഓരോ റെയിൽവേ സ്റ്റേഷനും
ഒരേ മുഖമുള്ള
ഒരു ഏപ്രിൽ.
എന്നാൽ വണ്ടി നിൽക്കുമ്പോൾ
വേറെ വേറെ ഏപ്രിൽ.
നീങ്ങിത്തുടങ്ങുന്നു
നീട്ടിക്കൂവിക്കൊ-
ണ്ടേപ്രിൽത്തീവണ്ടി
No comments:
Post a Comment