താഴേപ്പരപ്പുകൾ
ലിയു കെക്സിയാങ് (തായ്വാൻ, 1957)
നദിയുടെ താഴേപ്പരപ്പിൻ കരകളിലൂടൊരാൾ നടക്കുന്നു.
അയാൾക്കു പിന്നിലുലയും മുളകൾ
മാത്രമായിരുന്നു ആദ്യം
പടിഞ്ഞിരുന്നയാൾ മറുകര നിരീക്ഷിക്കുന്നു
വട്ടംചുറ്റിക്കറങ്ങുമൊരു പുഴപ്പക്ഷി
താണിറങ്ങിയിരിക്കുന്ന മരങ്ങൾ ശ്രദ്ധിക്കുന്നു.
പിന്നയാൾ ഒരു മണൽത്തിട്ടിൽ പ്രത്യക്ഷപ്പെടുന്നു
അസ്തമയത്തിൽ പറക്കുമൊരു വെള്ളക്കൊറ്റി
താഴേക്കു നോക്കുന്നു.
മരങ്ങൾക്കിടയിലയാളെക്കാണാതാകുമ്പോൾ
വെള്ളക്കൊറ്റി
നദിയുടെ താഴേപ്പരപ്പുകളുടെ തീരങ്ങളെ പിന്തുടരുന്നു.
അസ്തമയ സൂര്യനരികിലൂടെ പറന്നകലുന്നു.
- 1978
No comments:
Post a Comment