ശൂന്യം, അധികം

 ശൂന്യം, അധികം

എന്നിൽ നിന്നു മറയ്ക്കപ്പെട്ട ആ രഹസ്യം

ശരീരഭാഗം വലിയ കഷ്ണമായ് 

അറുത്തു മുറിച്ചു മാറ്റിയേടത്തെ വിടവ്

തലക്കും കാലിനുമിടയിലെ ഉടലിൽ

ഒരു മാന്ത്രികൻ 

വാളെടുത്തു വീശിയുണ്ടാക്കിയ

വലിയ വിടവ്.

പിന്നീടെനിക്കറിയപ്പെട്ട അതേ രഹസ്യമോ,

അമിതമായ് വളരുന്ന ശരീരഭാഗത്തിന്റെ

തുറ്റു തുറ്റായ 

കരിമുളപ്പൊറ്റകൾ.

മറയ്ക്കപ്പെടുകയും

പിന്നീടറിയപ്പെടുകയും ചെയ്ത

ആ രഹസ്യത്തെക്കുറിച്ചുള്ള ഓർമ്മയാകട്ടെ,

ഒരേ സമയം ശൂന്യം, അധികം