ഒരു ചെറു ഗാനം
ജെമാൽ ഷാറാ (ഓസ്ട്രേലിയ, ജനനം 1969)
പുൽത്തകിടിയിലൊരു കുരുവിയുറഞ്ഞു
കിടപ്പൂ രാത്രി മുഴുക്കേ മഞ്ഞിൽ
പിന്നെയുദിച്ച തണുത്ത പ്രഭാതം
കൊന്നൂ കുരുവിയെ, ഇപ്പൊളിളംവെയിൽ
വെള്ളക്കോടി പുതപ്പിക്കുന്നു.
കുഞ്ഞൊരു ജീവനൊടുങ്ങുന്നങ്ങനെ,
മന്നിൽ ഋതുക്കൾ ചിലതതു താണ്ടീ
കളികാകളിയായ്, സംശയരഹിതം
സാശ്വാസം കിളിയൊടുവിലറിഞ്ഞൂ,
ഒരു കവിൾ നിറയെ ശ്വാസം മാത്രം
നില്പു തനിക്കു മൃതിക്കുമിടക്ക്.
No comments:
Post a Comment