ഉപേക്ഷ
കിടക്കയിൽ
കൈകാൽ കുടഞ്ഞു ചിരിക്കുന്ന കുഞ്ഞിനെയും
കുഞ്ഞിനെ കൊഞ്ചിക്കുന്ന
അതിന്റെ അച്ഛനേയും വിട്ട്
പിൻവാതിൽ തുറന്ന് പുറത്തിറങ്ങി
റെയിലിന്മേൽ കയറി
തീവണ്ടിച്ചോട്ടിൽ ചെന്നിരിക്കുന്ന
രാജകുമാരിയുടെ വിഷാദത്തിന്
(മനശ്ശാസ്ത്രജ്ഞൻ പേരെന്തു വിളിച്ചാലും)
തീരുമാനമൊന്നുമായില്ല
കാലമേറെച്ചെന്നിട്ടും
നമ്മുടെ
(കുടുംബ)
ചരിത്രത്തിൽ.
No comments:
Post a Comment