ഡിസംബർ സന്ധ്യയിൽ
ടെഡ് കൂസർ
നാട്ടിൻപുറച്ചരൽപാതയിലോടിച്ചു
പോകവേയോടയിൽ നിന്നു കഴുകൊന്നു
കൊക്കിലെലിയെയെടുത്തുയരുന്നതു
കണ്ടു ഞാ,നെൻ കാറിനൊപ്പമൊരു ഞൊടി
നേരേയതു പറക്കേ,യെലിക്കിപ്പൊഴും
ജീവനുണ്ടിപ്പൊഴുമാവുന്ന വേഗത്തിൽ
വായുവിൽ പായുന്നതുണ്ടതിൻ കാലുകൾ
ഒറ്റലക്ഷ്യം, പടിഞ്ഞാറ്, നോക്കിക്കൊണ്ടു
മൂന്നു പേർ നമ്മളവിടെ, മണിക്കൂറിൽ
നാല്പതിൽ താഴെ കിലോമീറ്റർ വേഗത്തിൽ
No comments:
Post a Comment