കവിതകൾ - നഹും എം വൈൻബെർഗ് (നെതർലാൻ്റ്സ്, ഭാഷ ഡച്ച്,ജനനം 1961)

കവിതകൾ

നഹും എം വൈൻബെർഗ് (നെതർലാൻ്റ്സ്, ഭാഷ ഡച്ച്,ജനനം 1961)

1

ഒരു കൂട്ടുകാരനോടു യാത്ര പറയൽ

തനിക്കു കൂട്ടുകാരാരുമില്ലാത്ത വിദൂരത്തിലേക്കു
യാത്ര ചെയ്യുന്ന ഒരു കൂട്ടുകാരനോടു ഞാൻ
യാത്ര പറയുന്നു.

കൂടുതൽ വാക്കുകൾ അലറാതിരിക്കാൻ മനസ്സിരുത്തി
അവൻ അകന്നു മറയും വരെ നോക്കി നിൽക്കുന്നു,
അതവനെ ഞങ്ങളുടെ സൗഹൃദത്തിൻ്റെ
ഒരു നല്ല നേരം ഓർമ്മിപ്പിക്കും.
വസ്ത്രങ്ങൾ പോലെ ഒഴിഞ്ഞ്
ഞാൻ വീട്ടിലേക്കു നടക്കുന്നു
ആ യാത്രികനെപ്പോലൊരു അതിഥിയെ
പ്രതീക്ഷിക്കാനാവാതെ.

2

എന്നെ കാണാൻ നീ ഇഷ്ടപ്പെടുന്ന മട്ട്

മൂടൽമഞ്ഞുണ്ടായിരുന്നു ഇരുളിൽ,
ഞാൻ പറഞ്ഞു, ഗുഡ്ബൈ, ഗുഡ്ബൈ,
തീവണ്ടിയിൽ ശാന്തം,
തണുത്ത ജനാലക്കൽ എൻ്റെ കണ്ണുകൾ.