കുട്ടിയും തള്ളയും
നിങ്ങൾ മരിക്കും ദിവസം - അമ്മേ
പൂമ്പാറ്റ പോലെ ഞാൻ പാറും
രാജ്യം സ്വതന്ത്രമാകും പോൽ - അന്നു
ഞാനും സ്വതന്ത്രമായ് തീരും.
പൂമ്പാറ്റയല്ലല്ല പൂക്കൾ - തന്നെ
യീ വല്ലി വിട്ടു പറക്കും.
തെറ്റീ നിനക്കുണ്ണീ ചൊല്ലാം - നിന്നെ
വിട്ടു മരിച്ചു ഞാനെന്നാൽ
യക്ഷിയായ് നിന്റെയരികിൽ - തിരി -
ച്ചെത്തും കോമ്പല്ലിനാൽ കോർക്കും.
നിന്റെ സ്വതന്ത്രരാജ്യത്തിൻ - മുഴു -
ച്ചോര കുടിച്ചു വറ്റിക്കും.
വല്ലിമേലിറ്റിറ്റു നിൽക്കും - ചില
തുള്ളികളെൻ നെടുവീർപ്പാൽ
പൂമ്പാറ്റകളായ് പറന്നു - യർന്നെൻ
യക്ഷിക്കിരീടമായ് മാറും.
No comments:
Post a Comment