ഉണർവ്വിന്റെ വേര്
മഞ്ഞരളിച്ചെടിയുടെ വടക്കോട്ടു പോകുന്ന വേര്
പാതിരക്കു ചെന്നു പറിച്ചെടുത്തരച്ചു
മൂർദ്ധാവിലിട്ടു കിടന്നാൽ
ഉണരാത്ത ഉറക്കത്തിലേക്കു
വീണു വീണു താണു പോകുമെന്നു
പറഞ്ഞു കേട്ടതു പരീക്ഷിച്ചു കിടന്നു.
ഇരുട്ടിൽ ദിക്കു തെറ്റി
വടക്കോട്ടുള്ള വേരിനു പകരം
കിഴക്കോട്ടുള്ള വേരാകുമോ പറിച്ചത്?
ഒരു സൂര്യരശ്മി വേഗം മുളച്ചുപൊന്തി
നേരം പുലരുന്നു.
No comments:
Post a Comment