വെറുമൊരാൾ
ഹമ തുമ (എത്തിയോപ്പിയ, ജനനം:1949 ഭാഷ: അമാരിക്)മരിച്ചയാൾ ആരുമായിരുന്നില്ല,
കീറിപ്പറിഞ്ഞ വസ്ത്രം ധരിച്ച
വെറുമൊരു മനുഷ്യൻ മാത്രം.
ഷൂസില്ല,
പോക്കറ്റിൽ ഒരൊറ്റ നാണയം
തിരിച്ചറിയൽ കാർഡുകളില്ല
ബസ് ടിക്കറ്റില്ല.
വൃത്തികെട്ട് എല്ലിച്ച്
ആരുമല്ലാത്തൊരാൾ.
മരിക്കും മുമ്പയാൾ
കൈയ്യു മുറുക്കിപ്പിടിച്ചിരുന്നു
അവരതു ബലമായിത്തുറന്നപ്പോൾ
കണ്ടു,
ആരുമല്ലാത്ത ഇയാളിൽ
ഒരു മുഴുവൻ രാജ്യം!
No comments:
Post a Comment