ഓരോ സ്ത്രീക്കുമറിയാം അവളുടെ സ്വന്തം മരം
ബെശാൻ മട്ടുർ(1968, തുർക്കി)
നിനക്കരികിൽ വന്നപ്പോൾ
ഞാൻ
കറുത്ത കല്ലുകൾ കൊണ്ടുണ്ടാക്കിയ
വിജന നഗരത്തിനു മുകളിൽ
ചിറകു വിരിക്കാൻ തുടങ്ങുകയായിരുന്നു.
ഒരു മരം കണ്ടെത്തി അതിൻ്റെ കൊമ്പുകളിൽ ചേക്കേറുന്നു.
വേദനിച്ച് അലറുന്നു
ഒരോ സ്ത്രീക്കുമറിയാം അവളുടെ സ്വന്തം മരം.
ആ രാത്രി ഞാൻ പറന്നു.
ഇരുട്ട് പ്രവേശിക്കാൻ ഭയക്കുന്ന
നഗരത്തിനുമുകളിലൂടെ കടന്നുപോയി
നിഴലില്ലാതെ ആത്മാവു തനിച്ചായിരുന്നു
ഒരു നായയെപ്പോലെ ഞാനലറി
No comments:
Post a Comment