രണ്ടു കവിതകൾ
ജിയായ (ബൂൺ- സ്വീ ടാൻ, മലേഷ്യ, ചൈനീസ്, ജനനം:1962)1
ഗൃഹാതുരത്വം
അക്കൊല്ലം അവർ ആഫ്രിക്കയ്ക്കു യാത്ര പോയി
അവൻ്റെ അച്ഛനെ ഒരു സിംഹം തിന്നു
അവൻ്റെ അമ്മയെ ഒരു മുതല തിന്നു
ഇളയ അനുജനെ കരിമ്പുലി തിന്നു
അനിയത്തിക്കുട്ടിയെ പെരുമ്പാമ്പു വിഴുങ്ങി
ഇപ്പോൾ ഗൃഹാതുരത്വം വരുമ്പോഴൊക്കെ
അവൻ മൃഗശാല സന്ദർശിക്കുന്നു.
2
അയാളൊരു ദയാലുവായ മനുഷ്യൻ
അയാൾക്കൊരു ദയാലുവായ ഭാര്യ
ദയാലുവായ മകൻ
ദയാലു മകൾ
ദയാലു നായ
ദയാലു പൂച്ച
ചില്ലുപാത്രത്തിൽ ദയാലുവായ മത്സ്യം
ഒരു നിര ദയാലു പൂച്ചട്ടിച്ചെടികൾ
അവരെല്ലാം പട്ടിണിയിൽ
No comments:
Post a Comment