ആർക്കറിയും?
ഇശൈ (തമിഴ്)
പുലിക്ക് വിശന്നു വയറെരിഞ്ഞു
ഒരു മാനിനെക്കണ്ട്
അതു പാഞ്ഞു
വിശപ്പ് പുലിയെ
ഓടൂ ഓടൂ എന്നു
വിരട്ടിക്കൊണ്ടിരുന്നു.
പേടി മാനിനെ
ഓടൂ ഓടൂ എന്നു
വിരട്ടിക്കൊണ്ടിരുന്നു.
കാട്ടിനു കുറുകേ
പാത മുറിച്ചു കടക്കാൻ ശ്രമിക്കുമ്പോൾ
കുതിച്ചു ചാടിയ മാൻ
ആ വഴി പോകുന്ന
ഇരുചക്രവാഹനത്തിൻ മീതേക്കു
വീഴുന്നു.
ഇല്ലാസയാത്ര വന്ന രണ്ടു പയ്യന്മാർ
ഇപ്പോൾ ചോരയിൽ കുളിച്ചു കിടക്കുന്നു.
"എനിക്കൊന്നും അറിയില്ല കുട്ടികളേ"
എന്നു കരയുന്നു മാൻ
"എനിക്കൊന്നുമറിയില്ല കുട്ടികളേ"
എന്നു കരയുന്നു പുലി
No comments:
Post a Comment