ലീ പോ (ചീന, AD 701 - 762)
1
കൊടുമുടി മുകളിലെ ക്ഷേത്രച്ചുമരിൽ എഴുതിയത്
മലമുടിമേലമ്പലത്തിൽ രാത്രി തങ്ങിടുമ്പോൾ
അരികിൽ ചെന്നു താരകങ്ങളെത്തൊടാം നിനക്ക്
സ്വർഗ്ഗലോകവാസികളുണരുമെന്നു പേടി -
ച്ചൊച്ചയുയർത്താതെ ചുണ്ടനക്കയേയുള്ളൂ ഞാൻ
2
പർവ്വതഭാഷണം
ഈ മരതകമലകളിലെന്തിനു
ഞാൻ വസിപ്പൂ ചോദിപ്പൂ നീ
മനമുലയാ വിശ്രാന്തിയിൽ ഞാൻ
മിണ്ടാതെ ചിരിച്ചേ നിന്നൂ
ഒഴുകിപ്പോയ് പീച്ചുസുമങ്ങൾ
നീരൊലിവിൽ നിഗൂഢത നേരേ,
അതു മറ്റൊരു ഭൂസ്വർഗ്ഗം, ജന-
നിബിഡത വിട്ടകലത്തെങ്ങോ
ഞാൻ വസിപ്പൂ ചോദിപ്പൂ നീ
മനമുലയാ വിശ്രാന്തിയിൽ ഞാൻ
മിണ്ടാതെ ചിരിച്ചേ നിന്നൂ
ഒഴുകിപ്പോയ് പീച്ചുസുമങ്ങൾ
നീരൊലിവിൽ നിഗൂഢത നേരേ,
അതു മറ്റൊരു ഭൂസ്വർഗ്ഗം, ജന-
നിബിഡത വിട്ടകലത്തെങ്ങോ
No comments:
Post a Comment