കവിത
തൗമസ് അൻഹാവ (ഫിൻലാൻ്റ്, 1927 - 2001)
ഒരിക്കൽ ഒരിടത്ത് ഒരു സാമ്രാജ്യമുണ്ടായിരുന്നില്ല, അവിടെയൊരു രാജാവുണ്ടായിരുന്നില്ല, രാജാവിനൊരു ശിരസ്സുമുണ്ടായിരുന്നില്ല
രാജാവിൻ്റെ ചുമലിന്മേൽ അത് ഭാരിച്ച് അമർന്നിരുന്നു.
അദ്ദേഹമപ്പോൾ നട്ടെല്ലില്ലാത്ത ഒരുവനെ കണ്ടെത്തി തൻ്റെ ശിരസ്സ് അയാളുടെ ചുമലിൽ വെച്ചു.
രാജാവ് അന്തരിച്ചില്ല. നീണാൾ വാണു.
പിന്നീടദ്ദേഹം സന്തോഷത്തോടെ ജീവിക്കുകയും സാമ്രാജ്യം ഒരായിരം കൊല്ലം നിലനിൽക്കുകയും ഒരിക്കൽ ഒരിടത്തുണ്ടാവാതിരിക്കുകയും ചെയ്തു.
No comments:
Post a Comment