പ്ലാറ്റ്ഫോം കവിത - ഫിലിപ് ഹോഡ്ജിൻസ് (ഓസ്ട്രേലിയ, 1959 - 1995)

 പ്ലാറ്റ്ഫോം കവിത

- ഫിലിപ് ഹോഡ്ജിൻസ് (ഓസ്ട്രേലിയ, 1959 - 1995)

ഒരു മനുഷ്യനൊറ്റക്കു നിൽക്കുന്നു

ഒരു റയിൽവേ സ്റ്റേഷൻ പ്ലാറ്റ്ഫോമിൽ

തന്റെ സ്വന്തം ഉടൽമണത്താൽ ഒറ്റപ്പെട്ട്.

സൂര്യൻ താഴുന്നു.

അയാളുടെ നിഴൽ അയാളേക്കാൾ വലുത്.

കാറ്റ് അയാളിലേക്ക് ഇടകയറുന്നു.

ഒരു തീവണ്ടി വരുന്നു.

അതിന്റെ നിഴൽ 

അയാളുടെ നിഴലിനെ മായ്ക്കുന്നു.

അതിന്റെ മണം 

അയാളുടെ കാലുറകളുടെയും

കക്ഷത്തിന്റെയും മണം മായ്ക്കുന്നു.

തീവണ്ടി ശ്വാസം പിടിച്ചു കൂക്കിയാർത്ത്

നഗരത്തിനു പുറത്തേക്കുരുണ്ടകലുന്നു.