തൊട്ടരികിൽ കിടന്ന്
നീയെത്ര വേഗമുറങ്ങുന്നു!
ഇന്നുമതെ,
എന്തോ പറയുന്നതിൻ്റെ പാതി വഴിയിൽ.
"എങ്ങനെ എന്നു
പറഞ്ഞു തരാനറിയില്ല.
എന്നെ നോക്കി പഠിക്കൂ''
ഞാൻ മലർന്നു കിടന്ന്
മുഖം ചെരിച്ചു
നിന്നെ നോക്കി പഠിക്കാൻ ശ്രമിക്കുന്നു.
എത്ര വർഷമായി!
ഇന്നും മങ്ങി മങ്ങിയിരുണ്ട്
പറ്റെ കറുക്കുന്ന ആ ഇടത്തു വെച്ച്
എന്തിലോ കണ്ണു തടഞ്ഞു വീഴുന്നു.
എൻ്റെ വണ്ടി തടഞ്ഞിട്ടിരിക്കുന്നു.
നിൻ്റെ പാത ചീറിപ്പായുന്നു.
പതിനാറു കൊല്ലം കൊണ്ട്
നീ കാണുംപോലത്തെ സ്വപ്നങ്ങൾ കാണാൻ
ഞാൻ പഠിച്ചെടുത്തു.
നിന്നെപ്പോലെ ഉണരാനും.
പക്ഷേ.....
No comments:
Post a Comment